My Hindi Poem- "Kab Hogi yeh khwahish Poori"

Kab hogi yeh khwahish poori,

Bajegi kab shehnai shaadi ki meri?

Uska subah jaldi uthke chaai banana,

Phir pyar se mujhe neend se jagana,

Chai ki chuskiyaan lete huey,

Uske gulaabi honthon ka muskura jaana,

Subah ki taaza hawaaon ke beech,

uska yun khil-khilana..........

Mere office jaane par uska maayus ho jana,

Badi hi utsukta se mera intezaar karna,

Ghar laut aane par baahon me meri lipat jaana,

Aur meri sharaaraton ko dekh,

Uska chupke se sharmana.......

Kab hogi yeh khwahish poori,

Bajegi kab shehnai shaadi ki meri?

Chuttiyon ke din,

Hamara saath me ghumne nikalna,

Corner-seat pe beth kar,

Maze se movie dekhna,

Park me ghumte samay,

Ek-doosre ko chidhana,

Baatein karte huey,

Hamari ice-cream ka pighal jana,

Restaurant mein jaakar,

Candle-light dinner karna.

Wedding aniversary par mera usko surprise-gift dena.

Kab hogi yeh khwahish poori,

Bajegi kab shehnai shaadi ki meri?

Meri takleefon ko dekh,

Uski aankhon me paani bhar aana,

Haathon me haath le,

Hamara mandiron ke darshan karne jaana,

Hamari khushiyon ke liye,

Uska ishwar se duaa maangna.

Aakhir kab hogi yeh khwahish poori,

Bajegi kab shehnai shaadi ki meri?:)

- Monu Awalla