My Hindi Poem On Global Warming- "Prakriti Hi Jeevan"


Nirmal jheel jo thi kabhi yahaan,
Uska paani sookh gaya hai kahaan,
Puche tujhse yeh saara jahaan,
Kar sake toh kar apne shabdon mein bayaan.

Kyun tu kaate sheetal chaaya,
Kahaan hai woh paidon ka saaya,
Neeche jiskey maine bachpann tha bitaaya,
Qatl-e-aam kar uska tune kya paaya?

Dhuaan chaaron aur tune hai failaaya,
Shuddh hawaa ka starr hai ghataaya,
Baadh, toofaan, bhukamp ko badhaaya,
Dushmann prakriti ko tune hi banaaya.

Taapmaan nahin badhaa hai iss dharti ka,
Badhaa hai toh uska rosh halka sa,
Apne matlab ke liye jo tune hai cheena,
Soot sameyt bhugtaan hai uska abb bharnaa.

Abb bhi waqt hai jaag aye insaan,
Kar sampoorna manav jaati ka kalyaan,
Kahin hamara mitt na jaaye nishaan,
Lauta dey prakriti ko uska khoya huaa sammaan.
-Monu Awalla
Related Posts Plugin for WordPress, Blogger...